![](https://nayapatrika.blr1.cdn.digitaloceanspaces.com/news/images/pratik2024-07-03-07-46-51.jpeg)
नेपाली नागरिकलाई नक्कली भुटानी शरणार्थी बनाएर अमेरिका लैजाने ठगीसम्बन्धी अपराधमा पक्राउ परेका पूर्वगृहमन्त्री रामबहादुर थापाका छोरा प्रतीक जेल चलान भएका छन् । जिल्ला अदालत काठमाडौंले उनलाई मंगलबार पुर्पक्षका लागि थुनामा पठाउने आदेश दिएकोमा थापालाई सुन्धारा कारागार पठाइएको छ ।
एक वर्षसम्म फरार रहेका प्रतीकलाई गत शुक्रबार प्रहरीले पक्राउ गरेको थियो । तीन दिन चलेको बयान र थुनछेक बहसपछि जिल्ला न्यायाधीश शकुन्तला कार्कीको इजलासले उनलाई मंगलबार थुनामा पठाउने आदेश दिएको हो । थापा गृहमन्त्री हुँदा सचिवालयमा बसेर प्रतीकले बिचौलियासँग करोडौँ लिएको प्रहरीको अभियोग छ ।