![](https://nayapatrika.blr1.cdn.digitaloceanspaces.com/news/images/narayani2024-06-27-07-46-02.jpeg)
नवलपुरमा नारायणी नदीमा डुबेर एक बालक बेपत्ता भएका छन् । जिल्ला प्रहरी कार्यालय नवलपुरका प्रहरी नायब उपरीक्षक वेदबहादुर पौडेलका अनुसार गएराति गैँडाकोट– ६ गैह्री बस्ने वर्ष आठका युनिस नेपाली नारायणी नदीमा डुबेर बेपत्ता भएका हुन् ।
नेत्रबहादुर नेपालीको छोरो युनिस नेपाली गएराति आठ बजेतिर घरदेखि पाँच सय मिटर पर नारायणी नदीकिनारमा राखेको काठको डुंगामा साथीहरूसँग खेल्ने क्रममा डुंगाबाट चिप्लिएर नदीमा बेपत्ता भएका हुन् ।
तीनजना बालकहरू डुंगामा खेलिरहेकोमा युनिस नारायणीमा डुबेर बेपत्ता भएपछि अन्य साथीहरूले घरमा खबर गरेका थिए। उनको आज बिहान पनि खोजीकार्य जारी रहेको र अहिलेसम्म फेला पार्न नसकेको प्रहरीले जनाएको छ ।