- वि.सं २o८१ जेठ ३१ बिहीबार
गण्डकी गाउँपालिका वडा नम्बर– १ मकैसिङमा महिलाहरूको पाठेघरसम्बन्धी रोगको पहिचान तथा निःशुल्क स्वास्थ्य शिविर हुने भएको छ । सम्भव नेपालको आयोजनामा मकैसिङ प्राथमिक स्वास्थ्य चौकीमा उक्त शिविर हुन लागेको हो ।
शिविरमा त्रिवि शिक्षण अस्पतालका वरिष्ठ चिकित्सकद्वारा उपचार हुनेछ । शिविर १ र २ असारमा हुने सम्भव नेपालको परियोजना पर्यवेक्षक उत्तम अधिकारीले जानकारी दिए ।
उक्त शिविरमा महिला तथा स्त्री रोगसम्बन्धी विशेषज्ञ सेवा, महिलाको पाठेघरसम्बन्धी रोगको पहिचान तथा उपचार, पाठेघरको मुखको क्यान्सर, हाडजोर्नी विशेषज्ञ सेवा रेडियोलोजिस्ट, फिजिसियन र एक्स–रे सेवा, निःशुल्क औषधि वितरण तथा अन्य सेवासमेत रहेको अधिकारीले जानकारी दिए । सो शिविरबाट धेरैभन्दा धेरैले लाभ लिने सम्भव नेपालका अध्यक्ष प्रेमकुमार खत्रीले जानकारी दिए ।
