सरकारले आगामी आव ०८१-८२ का लागि १८ खर्ब ६० अर्ब ३० करोड रुपैयाँको बजेट ल्याएको छ। अर्थमन्त्री वर्षमान पुनले मगलबार संघीय संसदमा सोबराबरको बजेट पेस गरेका हुन्।
त्यसमा ११ खर्ब ४० अर्ब ६६ करोड चालू र तीन खर्ब ५२ अर्ब ३५ करोड पुँजीगत बजेट रहेको छ। यसैगरी, तीन खर्ब ६७ अर्ब १८ करोड वित्तीय व्यवस्थापनतर्फ विनियोजन गरिएको छ। चालू आवको तुलनामा यो बजेट ६-२ प्रतिशतले बढी हो ।
सरकारले आगामी आवमा १२ खर्ब ६० अर्ब ३० करोड राजस्व स्रोत जुटाउने भएको छ। यसैगरी, वैदेशिक अनुदानबाट ५२ अर्ब ३३ करोड रुपैयाँ ल्याइनेछ।
त्यसअनुसार सरकार खर्च धान्न ५ खर्ब ४७ अर्ब ६७ करोड ऋण लिनुपर्ने देखिन्छ। त्यसमा दुई खर्ब १७ अर्ब वैदेशिक ऋण र तीन खर्ब ३० अर्ब आन्तरिक ऋण उठाइनेछ ।