- वि.सं २o८१ बैशाख ११ मंगलबार
सिटिजन्स बैंक इन्टरनेसनल लिमिटेडले फोनपेसँगको सहकार्यमा नेपालमै पहिलोपटक भर्चुअल क्रेडिट कार्ड सार्वजनिक गरेको छ । बैंकका अनुसार ग्राहकले भर्चुअल क्रेडिट कार्डका लागि सिटिजन्स मोबाइल बैंकिङ एपमार्फत सीधै आवेदन दिन सक्नेछन् ।
विनाकुनै कागजात र भौतिक कार्डको आवश्यकता नपर्ने यस्तो कार्डमा ग्राहकले २० हजारदेखि अढाई लाख रुपैयाँसम्मको क्रेडिट सीमा उपभोग गर्न पाउने बैंकले जनाएको छ । यस्तो कार्ड क्युआर स्क्यान गरी किनमेल गर्नेलगायत प्रयोजनमा प्रयोग गर्न सकिनेछ ।
साथै, यसमा मासिक किस्ता (इएमआई)को सुविधामा ४५ दिनको समयावधिभित्र कर्जा चुक्ता गर्न सकिने बैंकले जनाएको छ। साथै, कुल बक्यौताको १० देखि शतप्रतिशतसम्म भुक्तानी गर्ने विकल्प पनि रहेको बताइएको छ ।
