- वि.सं २o८o चैत १८ आइतबार
चितवनको ठिमुरा र तनहुँको देवघाट जोड्ने त्रिशूली नदीमाथिको पक्की पुल तीन वर्षभित्र निर्माण सम्पन्न गर्ने गरी २० कात्तिक ०७१ मा सम्झौता भएको थियो । तर, पटक–पटक म्याद थप्दै नौ वर्षपछि गत पुसमा मात्र निर्माण सम्पन्न भएपछि शनिबार राष्ट्रपति रामचन्द्र पौडेलले पुलको उद्घघाटन गरेका छन् । पुलले जोडेको देवघाट गाउँपालिका राष्ट्रपति रामचन्द्र पौडेलको तत्कालीन निर्वाचन क्षेत्रअन्तर्गत पर्छ ।
भूकम्प, कोभिड र डिजाइन परिवर्तनलगायत कारण देखाउँदै म्याद थपिएको यो पुल दुईपटकसम्म निर्माणकै क्रममा भत्किएको थियो । पुल भत्कँदा तीनजना मजदुरको ज्यानसमेत गएको थियो । सुरुमा भ्याटसहित १९ करोड १० लाखमा इलाइट, एड्भेन्चर र इन्द्रेणी जेभीले ठेक्का पाएको थियो । पछि डिजाइन परिवर्तन गर्दै लागत बढाएर करिब २२ करोड पु¥याइएको थियो । सो पुलको लम्बाइ दुई सय मिटर र चौडाइ साढे आठ मिटर छ ।
