- वि.सं २o८o चैत ८ बिहीबार
इटालियन ब्रान्डका बेनेली बाइकको खरिदमा ग्राहकले एक लाख रुपैयाँसम्म छुटका साथै शून्य प्रतिशत ब्याजमा पाउने भएका छन् । कम्पनीले मोडेलअनुसार १५ हजार रुपैयाँदेखि एक लाख रुपैयाँसम्म छुटका साथै २० मिनेटमा नै शून्य प्रतिशतमा खरिद गर्न सकिने योजना ल्याएको हो ।
नयाँ वर्ष ०८१ का लागि विशेष फाइनान्स योजनाअनुसार नै योजना ल्याएको कम्पनीको भनाइ छ । नेपालका लागि बेनेली बाइक तथा स्कुटरका लागि आधिकारिक विक्रेता केटिएम इन्टरनेसनल ट्रेडिङ प्रालिले २०१५ देखि उत्कृष्ट डिजÞाइन, शक्तिशाली इन्जिन, र प्रभावकारी प्रदर्शनको एक संयोजन प्रदान गरेका १२५ सिसीदेखि ७५० सिसीसम्मका बेनेली बाइक तथा स्कुटर नेपालमा बिक्री–वितरण गर्दै आएको जनाएको छ ।
तेस्रो मुलुकबाट आयात भए तापनि सधैँ गुणस्तरीय सर्भिस तथा सजिलै बाइकका पार्टस्पुर्जा पाइँदैन भन्ने भ्रमलाई गलत साबित गर्दै गुणस्तरीय सेवा प्रदान गर्दै आएको कम्पनीले दाबी गरेको छ ।
