कांग्रेसका सांसद उदयशमशेर जबराले सहकारी संस्थाहरूमा समस्या आउँदा त्यसको असर सिंगो अर्थतन्त्रमा परेको बताएका छन् । 

सहकारी ठगी प्रकरणको निष्पक्ष छानबिन नभएसम्म सहज रूपमा अर्थतन्त्र चल्न नसक्ने उनको भनाइ थियो । उनले अर्थतन्त्रलाई गतिशील बनाउन पनि सहकारी ठगी प्रकरणको निष्पक्ष छानबिन आवश्यक रहेको बताए । 

प्रतिनिधिसभाको आजको बैठकमा आगामी आर्थिक वर्षक लागि विनियोजन विधेयकको सिद्धान्त र प्राथमिकतामाथिको छलफलमा सहभागी हुँदै सांसद जबराले यस्तो बताएका हुन् ।