मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८१ बैशाख ३ सोमबार
  • Monday, 15 April, 2024
२०८० फाल्गुण ९ बुधबार १०:३९:००
Read Time : < 1 मिनेट
खेलकुद डिजिटल संस्करण

आसिफ शेखको १२औँ अर्धशतक पूरा

Read Time : < 1 मिनेट
२०८० फाल्गुण ९ बुधबार १०:३९:००

ओपनर आसिफ शेखले एकदिवसीय करिअरमा १२औँ अर्धशतक पूरा गरेका छन् । आइसिसी विश्वकप लिग– २ अन्तर्गत चौथो खेलमा बुधबार आसिफले नामिबियाविरुद्ध १२औँ अर्धशतक पूरा गरेका हुन् ।

उनले गेरार्ड इरास्मुसको ओभरमा छक्का प्रहार गर्दै अर्धशतकीय इनिङ्स खेलेका हुन् । शेखले ५६ बलमा आठ चौका र एक छक्का प्रहार गरी ५३ रनमा खेलिरहेका छन् ।

उनलाई क्रिजमा चौथो विकेटका लागि बायाँहाते ब्याट्सम्यान कुशल मल्लले २० रनमा साथ दिइरहेका छन् । आसिफले ४८ एकदिवसीय खेलमा एक शतक लगाएका छन् ।

उनले ४८ इनिङ्समा एक हजार तीन सय २६ रन जोडेका छन् । सन् २०२१ मा उनले पपुवा न्युगिनीविरुद्ध एकदिवसीय खेलमा डेब्यु गरेका थिए । नेपालले १८ ओभरको खेल समाप्तिसम्म तीन विकेटको नोक्सानीमा ९४ रन बनाएको छ ।