- वि.सं २o८१ बैशाख १९ बुधबार
‘बुद्धको ज्ञान लुम्बिनीमा ध्यान’ भन्ने नाराको साथमा भगवान् बुद्धको जन्मस्थल लुम्बिनी, रूपन्देहीमा अहिलेसम्मकै उच्च विराट चक्र विज्ञान कार्यक्रम हुने भएको छ । आउँदो चैत १७ गतेदेखि २३ गतेसम्म चल्ने उक्त कार्यक्रममा पाँच हजार एकजनालाई जीवन विज्ञानका विशेषज्ञ एवं सदगुरु भानु गुरुदेव र रमेश गुरुदेवले ध्यान साधनाको प्रशिक्षण दिनेछन् ।
ध्यान साधनासम्बन्धी यो अहिलेसम्म विश्वकै उच्च संख्यामा हुन गइरहेको कार्यक्रम हो । चक्र विज्ञान मनुष्यभित्र रहेको सातवटा चक्रको क्षमता जगाउने ध्यान साधना कार्यक्रम भएको आयोजकको भनाइ छ । यस कार्यक्रमपश्चात् सहभागीले आफ्नो जीवन पूर्ण स्वस्थतर्फ उन्मुख भएको महसुस गराउने आफ्नो उदेश्य रहेको आयोजकको दाबी छ ।
