- वि.सं २o८१ बैशाख २० बिहीबार
अन्तर्राष्ट्रिय हवाई यात्रुको संख्या अघिल्लो वर्षको तुलनामा ४१ प्रतिशतले वृद्धि भएको छ।
आइतबार नेपाल नागरिक उड्डयन प्राधिकरण स्थापनाको २५औँ वर्ष पूरा भएको अवसरमा आयोजित कार्यक्रममा प्राधिकरणका निर्देशक ई. प्रदीप अधिकारीले सो जानकारी गराएका छन्।
प्राधिकरणका अनुसार यो वर्ष अन्तर्राष्ट्रिय हवाई यात्रुको संख्या ४१ लाख ५४ हजार तीन सय ९३ पुगेको छ। यो संख्या गत वर्षको सोही अवधिको तुलनामा संख्यामा ४१.०४ प्रतिशतले बढी हो।
अघिल्लो वर्ष (सन् २०२२)को नोभेम्बरसम्ममा त्रिभुवन अन्तर्राष्ट्रिय विमानस्थल र गौतम बुद्ध अन्तर्राष्ट्रिय विमानस्थलमार्फत आवागमन गर्ने अन्तर्राष्ट्रिय हवाई यात्रुको संख्या २९ लाख ४५ हजार पाँच सय ४० थियो।
यस्तै, आन्तरिक उडानतर्फ सन् २०२२ को नोभेम्बरको तुलना सन् २०२३ को नोभेम्बरसम्म यात्रु संख्यामा करिब ३७.४८ प्रतिशतले वृद्धि भएको छ।
