- वि.सं २o८o पौष १३ शुक्रबार
९६औँ एकेडेमी अवार्ड (अस्कर)मा नेपालबाट सिफारिस भएको चलचित्र ‘हल्कारा’ ओटिटी प्लेटफर्म अमेजन प्राइममा रिलिज भएको छ।
यस चलचित्रलाई रेन्ट र बाई सुविधाअन्तर्गत विश्वभरबाट हेर्न सकिन्छ। चलचित्रमा अभिनेता महेश त्रिपाठी र विनिता थापामगरको मुख्य भूमिका छ।
यो चलचित्रले ५५औँ ‘वर्ल्डफेस्ट ह्युस्टन इन्टरनेसनल फिल्म फेस्टिभल २०२२’मा उत्कृष्ट चलचित्र, उत्कृष्ट अभिनेता र उत्कृष्ट सिनेमाटोग्राफर (चिन्तन राजभण्डारी) अवार्ड जितेको थियो।
यस चलचित्रका लेखक, निर्देशक तथा सम्पादक विक्रम सापकोटा हुन्।
