Skip This
कोहलपुरमा अवस्थित नेपाल एपिएफ स्कुलमा खेल सप्ताह सुरु भएको छ । सशस्त्र प्रहरी बल कल्याणकारी सेवा केन्द्रद्वारा सञ्चालित यस विद्यालयमा १३ मंसिरदेखि सुरु भएको खेलकुद कार्यक्रम १६ गते समापन हुनेछ । खेलकुद कार्यक्रममा सयभन्दा बढी विद्यार्थीको सहभागिता रहेको खेल सप्ताहका अध्यक्ष एवं प्राचार्य मुकुन्दविक्रम शाहले जानकारी दिए ।
विद्यालयमा अध्ययनरत विद्यार्थीको सदनअनुसार मार्चपास्ट, कबड्डी, फुटबल, एथलेटिक, ज्याब्लिङ थ्रो, सटपुट, हाइजम्प, लङजम्पलगायत लामो, छोटो र रिले दौड प्रतियोगिता हुनेछ ।
मानव स्वास्थ्यका लागि खेलकुद नारा दिएर सुरु गरिएको खेलकुद कार्यक्रममा प्रथम, द्वितीय र तृतीय हुने विद्यार्थीलाई क्रमश: गोल्ड, सिल्भर र कांस्य मेडलले पुरस्कृत गरिनेछ ।खेलकुद कार्यक्रमको प्रहरी नायव उपरीक्षक सुरज खड्काले उद्घाटन गरेका थिए ।
