- वि.सं २o८o मङ्सिर ५ मंगलबार
घरको भान्सा मानिसका लागि सबैभन्दामहत्वपूर्ण स्थल हो । यहाँबाट विभिन्न संक्रमण फैलन सक्ने जोखिम भएकाले नियमित रूपमा यसको सफाइ गर्न जरुरी छ । भान्सा सफा गर्नका लागि तपाईंले केही घरेलु उपाय पनि प्रयोग गर्न सक्नुहुन्छ ।
बेकिङ सोडाको प्रयोग त्यसका लागि एक राम्रो उपाय हो । यसमा कागती वा भेनेगर मिसाएर तपाईंले भान्सा सफा गर्न सक्नुहुन्छ । ओभन, ग्रिल, माइक्रोवेभ, स्टोभलगायत सबै सामग्री सफा गर्न सकिन्छ । यस्तो गर्दा त्यहाँ लागेका तेल र बोसो हट्नेछ । रेफ्रिजेरेटर सफा गर्न पनि यसको प्रयोग गर्न सकिन्छ । यो एक हल्का क्षार हो र यसले दुर्गन्ध हटाउने काम पनि गर्छ ।
कागती र भेनेगरले ब्याक्टेरिया मार्ने काम पनि गर्छन् । जसकारण, भान्साबाट संक्रमण फैलन पाउँदैन । कागती र भेनेगरको मिश्रणलाई एक स्प्रे बोतलमा हालेर यसलाई डाइनिङ टेबलमा छर्कने र त्यसपछि नरम कपडाले सफा गर्न सकिन्छ ।
तपाईं डाइनिङ टेबलको तल, रेफ्रिजेरेटरको पछाडि र स्टोभको तल्लो हिस्सा सफा गर्नका लागि भ्याकुम क्लिनरको प्रयोग पनि गर्न सक्नुहुन्छ ।
