- वि.सं २o८o कार्तिक १९ आइतबार
साहित्यकार कृष्ण कुसुमको कथासंग्रह ‘पार्श्वधुन’ औपचारिक रुपमा सार्वजनिक भएको छ । शनिबार नेपाल प्रज्ञाप्रतिष्ठानमा साहित्यकार नयनराज पान्डे, निबन्धकार तथा समालोचक कुमारी लामा, कथाकार तथा कवि अभय श्रेष्ठ, पत्रकार मोहराज शर्मा र लेखकका बुवा दीपकराज न्यौपानेले संयुक्त रूपमा पार्श्वधुनको औपचारिक सार्वजनिक गरे ।
हाल अमेरिकामा बसोबास गर्दै आएका साहित्यकार कुसुमको यो पहिलो कथा संग्रह हो । शिखा बुक्सले प्रकाशन गरेको कथासंग्रहमा नेपाल र अमेरिकी परिवेशका तेह्र कथाहरू समावेश गरिएको छ।
यसअघि उनको ‘अमृतको प्याला’ गजलसंग्रह, ‘अञ्जुलीमा अभियन्ता’ संयुक्त कवितासंग्रह, ‘अञ्जुलीमा अभियन्ता २’ संयुक्त गजलसंग्रहलगायतका पुस्तक प्रकाशित भएका छन् ।
