सन्दिप लामिछाने यतिखेर इन्डियन प्रिमियर लिग (आइपीएल) खेल्न भारतमा छन् । दिल्ली क्यापिटल्सबाट खेलिरहेका उनले यसपटकको आइपीएलमा सन्तोषजनक प्रदर्शन पनि गरेका छन् । 

तर आइपीएल खेलिरहँदा पनि उनले नेपाली क्रिकेटको भविश्यबारे चिन्ता व्यक्त गरेका छन् । उनले अप्रिल २९ मा ट्विट गर्दैै नेपाली क्रिकेटको अवस्थाबारे चिन्ता व्यक्त गरेका हुन् । 

‘यतिखेर मध्यरात भएको छ र म हाम्रो नेपालको क्रिकेटबारे सोचिरहेको छु । यो दुखद कुरा हो कि हामी अझै निलम्बनमा छौ र यो ३ वर्षदेखि जारी छ । हामी नेपाली क्रिकेटको सुधारिएको भविश्यका बारे सोचिरहेका छौ भने आफूभित्रै त्यो प्रतिबद्धता र इमान्दारिता आवश्यक छ,’ उनले गरेको ट्विटमा छ ।