- वि.सं २o८o कार्तिक ४ शनिबार
त्रिकोणात्मक अन्तर्राष्ट्रिय टी–२० प्रतियोगिताको तेस्रो खेलमा अहिले नेपाल र हङकङ भिडिरहेका छन् ।
मूलपानी खेलमैदानमा जारी खेलमा टस जितेर नेपालले ब्याटिङ गरिरहेको छ । शृंखलाका अघिल्ला दुई खेलमा उत्कृष्ट ब्याटिङ प्रदर्शन गरेको नेपालले तेस्रो खेलमा भने खराब सुरुवात गरेको छ ।
निर्धारित २० ओभरमध्ये १० ओभरको खेल सकिँदा नेपालले चार विकेट गुमाइसकेको छ ।
दुवै ओपनर कुल भुर्तेल र आसिफ शेख, कप्तान रोहित पराजुली र सोमपाल कामी आउट भइसकेका छन् । अहिले क्रिजमा कुशल मल्ल र दीपेन्द्रसिंह ऐरी छन् ।
यी दुवैमाथि नेपाललाई ठूलो स्कोरसम्म पुर्याउने जिम्मेवारी रहेको छ ।
