मनाङ एयरको हेलिकोप्टर दुर्घटनामा परेर घाइते भएका पाइलटलाई उपचारका लागि काठमाडौं ल्याइँदै छ। सोलुखुम्बुको लबुचेमा आज बिहान हेलिकोप्टर दुर्घटना भएको थियो ।
दुर्घटनामा परेर घाइते भएका पाइलट प्रकाशकुमार सेढाईंलाई फिस्टेल एयरको हेलिकोप्टरबाट उपचारका लागि काठमाडौं ल्याइँदै छ । हेलिकाेप्टरमा उनी एक्लै थिए।
लुक्लाबाट सोलुखुम्बुमा पर्यटक लिन गएको मनाङ एयरको ९एन-एएनजे कलसाइनको हेलिकाेप्टर बिहान अवतरण गर्ने क्रममा दुर्घटनामा परेको हो । दुर्घटनामा परेको हेलिकोप्टरमा आगलागी भएकाे छ ।