अख्तियार दुरुपयोग अनुसन्धान आयोगका प्रमुख आयुक्त प्रेमकुमार राई र अमेरिकी सरकारको ‘ग्लोबल एन्टी करप्सन’का संयोजकबीच बिहीबार भेटवार्ता भएको छ।
आयोगको कार्यालय टंगालमा भएको भेटमा भ्रष्टाचार नियन्त्रण तथा सुशासन प्रवर्द्धनसम्बन्धी अभियानमा अमेरिका र नेपालबीच हुन सक्ने सहयोग, समन्वय र सहकार्यका विषयमा छलफल भएको छ।
भ्रष्टाचारसम्बन्धी अन्तर्राष्ट्रिय सूचना आदानप्रदानका विषयमा छलफल भएको आयोगका प्रवक्ता भोला दाहालले जानकारी दिए। उक्त अवसरमा प्रमुख आयुक्त राईले आयोगको बारेमा संक्षिप्त जानकारी गराएका थिए।