एसिसी इमर्जिङ टिम्स एसिया कपमा भारत ‘ए’विरुद्धको खेलमा नेपालले खराब सुरुवात गरेको छ।
श्रीलंकाको आर प्रेमदासा रंगशालामा भइरहेको खेलमा नेपालले १० ओभरमै पाँच विकेट गुमाएको छ। टस जितेर पहिले ब्याटिङ गरेको नेपालले १० ओभरमा ३७ रन जोडेर पाँच विकेट गुमाएको हो।
नेपालका कुशल भुर्तेल शून्य, आसिफ शेख सात, देव खनाल १५, भीम सार्की चार र कुशल मल्ल शून्य रनमा आउट भएका छन्। अहिले क्रिज कप्तान रोहित पौडेल र सोमपाल कामीले सम्हालेका छन्।