- वि.सं २o८o असार २६ मंगलबार
सिटिजन्स बैंक इन्टरनेसनल लिमिटेडका ग्राहकले थ्रिडी आर्ट म्युजियममा छुट पाउने भएका छन् । ललितपुरको इमाडोल र भक्तपुरको राधेराधेमा रहेको म्युजियममा सिटिजन्स बैंकका कार्डवाहक र मोबाइल बैंकिङ ग्राहकलाई विशेष छुट दिने समझदारी भएको हो ।
समझदारीअनुसार सिटिजन्स बैंकका ग्राहकले आर्ट म्युजियममा १० प्रतिशतसम्म छुट पाउने जनाइएको छ । यस किसिमको सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने बैंकले विश्वास व्यक्त गरेको छ ।
बैंकले हाल देशभरमा एक सय ८८ शाखा, तीन विस्तारित काउन्टर, एक सय ४३ एटिएम, ६ कयोस्क सेवा र ९७ वटा शाखारहित बैंकिङ इकाइमार्फत सेवा दिइरहेको जनाएको छ ।
