![](https://nayapatrika.blr1.cdn.digitaloceanspaces.com/news/images/Akhtiyar-aayog-office2023-07-07-07-48-01.jpeg)
दुई लाख रुपैयाँ घुससहित लेखा अधिकृत रंगेहात पक्राउ परेका छन् ।
अख्तियार दुरुपयोग अनुसन्धान आयोगको कार्यालय मोरङबाट खटिएको टोलीले शुक्रबार सुन्दरहरैँचा नगरपालिकाका लेखा अधिकृत शेखर ढकाललाई घुससहित पक्राउ गरेको हो ।
नगरपालिका तथा वडा कार्यालयहरूमा भएको मर्मतसम्भार कार्यको भुक्तानी दिने प्रयोजनका लागि उनले सेवाग्राहीसँग घुस लिएको अख्तियारले जनाएको छ ।
अख्तियार टोलीले उनलाई घुस लिइसकेको अवस्थामा कार्यालयपरिसरबाटै पक्राउ गरेको हो । उनीमाथि थप अनुसन्धान भइरहेको अख्तियारले जनाएको छ ।