- वि.सं २o८o असार २० बुधबार
प्रभु क्यापिटल लिमिटेडले मेडिकल चिकित्सकलाई सेयर बजारमा लगानीसम्बन्धी तालिम दिएको छ । क्यापिटलले ललितपुरमा एकदिने तालिम कार्यक्रम आयोजना गरेको हो ।
चिकित्सा पेसामा व्यस्तताका कारण अन्य क्षेत्रमा चासो दिन नभ्याएका चिकित्सकलाई पनि सेयर बजारमा लगानी गरी अधिकतम लाभ पाउन सकिनेबारे जानकारी दिने उद्देश्यले ‘डक्टर्स मिट : एक्सप्लोरिङ फाइनान्सियल मार्केट’ नामक उक्त कार्यक्रमको आयोजना गरिएको क्यापिटले जनाएको छ । तालिम प्रभु क्यापिटलका प्रमुख लगानी अधिकृत दुर्गानन्द झाले प्रदान गरेको जनाइएको छ ।
कार्यक्रममा ३० जनाभन्दा बढी चिकित्सकको सहभागिता रहेको क्यापिटलले जनाएको छ । व्यस्त समय तथा सेयर बजारसम्बन्धी पर्याप्त ज्ञान नभएको अवस्थामा प्रभु क्यापिटलको सेयर बजार सचेतना तथा लगानीका विभिन्न विकल्पहरूको विषयमा भएको यो कार्यक्रम निकै प्रभावकारी भएको चिकित्सकले बताए ।
सेयर लगानीमा सचेतना अभिवृद्धिका लागि प्रभु क्यापिटलले सेयर बजारसँग सम्बन्धित विविध वर्कसप तथा तालिम कार्यक्रमहरू समय–समयमा सञ्चालन गर्दै आइरहेको जनाएको छ ।
