विश्व डिजिटल संस्करण

युरोपेली संघद्वारा युक्रेनलाई सैन्य सहायताका लागि तीन अर्ब युरो विनियोजन

युरोपेली संघ काउन्सिलले इयू विदेशमन्त्रीहरूले युक्रेनलाई हतियार आपूर्तिका लागि पैसा छुट्याएको उल्लेख गरेको रुसी समाचार एजेन्सी तासले जनाएको छ।

लक्जेम्बर्गमा भएको बैठकपछि इयूका २७ सदस्य राष्ट्रका विदेशमन्त्रीहरूले युरोपेली शान्ति सुविधामा ३.५ बिलियन युरोको बजेट बढाएर अनुमोदन गरेका छन्। साथै ब्रसेल्सले युक्रेनलाई हतियार आपूर्तिका लागि रकम विनियोजन गरेको छ।

सोमबारको विज्ञप्तिमा भनिएको छ, ‘काउन्सिलले आज युरोपेली शान्ति सुविधाको समग्र वित्तीय सीमा सन् २०२३ मार्च २० बाट लागू हुने गरी अघिल्लो सम्झौताको आधारमा सो थप रकम वृद्धि गर्ने निर्णय गरेको छ।’ 

‘यो कार्य वित्तीय दिगोपन र सुरक्षित र शान्तिपूर्ण भविष्य सुनिश्चित गर्न र यसको विश्वव्यापी भौगोलिक दायरा र संकट र द्वन्द्वहरूलाई रोक्न र त्यसका लागि शीघ्र प्रतिक्रिया गर्ने इयूको क्षमतालाई जोगाउनका लागि हो,’ विज्ञप्तिमा भनिएको छ।