- वि.सं २o८o जेठ ३२ बिहीबार
डिआर सुजनले नयाँ म्युजिकल फिल्म (गीत) ‘नेपाली हाम्रो जात’ ल्याएका छन् । गीतमा शब्द, संगीत, परिकल्पना, कथा र निर्देशन सुजन स्वयंको रहेको छ ।
यसमा सुजनसँगै हेमन्त कान्छा रसाइली, राजु परियार र धर्म गन्धर्वको स्वर रहेको छ । सार्वजनिक म्युजिकल भिडियोमा निर्देशक सुजनसँगै विनोद परियार, सुरवीर पण्डित, रामबाबु रेग्मी, ताराबहादुर गुरुङ, लोकेन्द्र लेखक, तारा केसी, सरिता राजोपाध्याय, मुकुन्द मैनाली, ईश्वरी बराललगायतका कलाकारले अभिनय गरेका छन्।
मुकेश नेपालीको नृत्य निर्देशन, किरण चैसिरको छायांकन, मिलन विश्वकर्माको सम्पादन र कलर तथा रोनिशा अधिकारीको मेकअप रहेको छ। सुजना शर्मा रेग्मी र लक्ष्मी पौडेल निर्माता रहेका ‘नेपाली हाम्रो जात’ डिआर सुजन नामक युट्युब च्यानलमार्फत सार्वजानिक गरिएको हो।
