इंग्लिस फुटबलका लिजेन्ड डेभिड बेकह्यामको स्वामित्वमा रहेको अमेरिकन क्लब मेसीलाई नयाँ सिजनमा भित्र्याउने कसरतमा
अर्जेन्टिनी कप्तान लियोनल मेसीले पेरिस सेन्ट जर्मेन (पिएसजी) छाड्ने पक्का भएको छ । यस सिजनको अन्त्यसँगै मेसी र फ्रेन्च क्लब पिएसजीबीचको सम्झौता समाप्त हुँदै छ । पिएसजीले मेसीसँग सम्झौता नगर्ने पक्का छ । पिएसजीका प्रशिक्षक क्रिस्टोफ गाल्टियरले मेसीले सिजनको अन्त्यसँगै क्लब छाड्ने पुष्टि गरिसकेका छन् । ‘विश्वकै महान् खेलाडी मेसीले पिएसजी छाड्ने पक्का हो, पिएसजीसँगको सम्झौता लिगको अन्त्यसँगै सकिनेछ, उनको सम्झौता नवीकरण हुनेछैन,’ पिएसजीका प्रशिक्षक क्रिस्टोफले बिबिसीसँग भनेका छन् ।
मेसीले पिएसजी जाँदा उनी कता जान्छन् भन्ने चासो छ । बार्सिलोना, साउदी अरेविया तथा अमेरिकाको क्लबले उनलाई भित्राउन होडबाजी गर्ने बेलायती मिडियाहरूले जनाएका छन् । इंग्लिस फुटबलमा लिजेन्ड डेभिड बेकह्यामको स्वामित्वमा रहेको अमेरिकन क्लबले मेसीलाई नयाँ सिजनमा अनुबन्ध गर्न तयारी गरेको छ । पाँच वर्षअघि बेकह्याम स्वयंले आफ्नो क्लबमा क्रिस्टियानो रोनाल्डो र मेसीलाई सँगै खेलाउने योजना सुनाएका थिए ।
अमेरिकामा मेसी भिœयाउने योजना बेकह्यामको पाँच वर्ष पुरानो हो । अब बेकह्याम आफ्नो सपना पूरा गर्न लागेका छन् । यद्यपि, बेकह्यामले मेसीसँग अनुबन्ध गर्दा कति रकम खर्चने स्पष्ट पारेका छैनन् । तर, बार्सिलोनाको तुलनामा पक्कै इंग्लिसम्यानले धेरै रकम खर्चने छन् । यद्यपि, साउदी अरेबियन क्लबले एक महिनाअघि मेसीलाई विश्व फुटबलकै कीर्तिमानी रकम प्रस्ताव राखेका थिए । मेसी नयाँ सिजनमा कुन क्लबमा जाने भन्ने उनका एजेन्टले तय गर्नेछन् ।
सन् २०२१ मा मेसी स्पेनिस क्लब बार्सिलोना छाड्दै पिएसजीसँग आबद्ध भएका थिए । बार्सिलोनासँगको १७ वर्षको साँठगाँठ तोड्दा मेसी निकै भावुक बनेका थिए । पिएसजीमा दुई सिजन बिताएका मेसीको ३ जुनमा अन्तिम खेल हुनेछ । पिएसजी त्याग्ने तयारी गरेका मेसीलाई बार्सिलोना र अमेरिकन क्लबले भिœयाउने तयारी गरेका छन् ।
दुई वर्ष पिएसजीमा मेसी
मेसीले दुई वर्ष पिएसजीमा बिताए । उनको अन्तिम खेल ३ जुनमा हुनेछ । मेसीले पिएसजीबाट क्लेरमोन्टविरुद्ध खेल्ने तय भएको छ । मेसीले चालू सिजन फ्रेन्च लिग वानमा १६ गोल र १६ असिस्ट गरेका छन् । दुई वर्षभित्र मेसीले फेन्च लिग वान उपाधि जितेका छन् । युरोपियन फुटबलमा मेसीले क्लबस्तरीय फुटबल प्रतियोगितामा सर्वाधिक गोल गर्ने रोनाल्डोको कीर्तिमान गत साता भंग गरेका थिए ।
