चौधरीले सुरु गरे वातावरणकेन्द्रित ई–पेपर

व्यवसायी वसन्त चौधरीले वातावरणकेन्द्रित ई–पेपर सुरु गरेका छन् । उनले सर्भड्प्लानेटडटकम नामक ई–पेपर सुरु गरेका हुन् । सोही नामको पोर्टलमा होस्ट गरिएको ई–पेपरले वातावरण, पृथ्वी, जलवायु परिवर्तन, पानीको अभाव, खाद्य असुरक्षा र वन्यजन्तुका बारेका लेख तथा विश्लेषणलाई प्राथमिकताका साथ प्रकाशन गर्ने जनाइएको छ ।

यहाँ समेटिने लेख तथा विश्लेषणमा विश्वव्यापी दृष्टिकोण पाइने चौधरीको भनाइ छ । नेपालमा विविध व्यावसायिक प्रतिष्ठानहरूको ग्रुप बिएलसी होल्डिङ लिमिटेडको प्रमुखसमेत रहेका चौधरीले भने, ‘मैले सधैँ आफ्नो लेखनबाट प्रेम, भ्रातृत्व र सद्भावको सन्देश फैलाउने प्रयास गरेको छु । यो ई–पेपरको उद्देश्य मानव जाति र पृथ्वीबीचको सुमधुर सम्बन्धलाई प्रवद्र्धन गर्ने हो । संसारभर मानवनिर्मित संकटका कारण यो ग्रह दयनीय अवस्थामा छ ।’

चौधरीले ई–पेपर पृथ्वीको बिग्रँदै गएको अवस्थाबारे जनचेतना जगाउन प्रतिबद्ध रहेको बताए । उनले थपे,  ‘हाम्रा विचारहरू सरल र सरल भाषामा प्रस्तुत गरिनेछ, जुन सबै उमेर र समूहले सजिलै बुझ्न सक्ने हुनेछ । पृथ्वीको अस्तित्व र राम्रो स्वास्थ्यका लागि काम गर्नु सबैको दायित्व हो । पृथ्वी बाँच्यो भने मात्र हामी बाँच्नेछौँ ।’ पृथ्वी दिवसमा सुरु गरिएको र विस्तृत रूपमा चित्रित ई–पेपरले प्रत्येक १५ दिनमा यसको सामग्री अपडेट गर्ने जनाएको छ । यद्यपि, भविष्यमा थप सुविधा र सामग्रीका साथ यो डिजिटल प्लेटफर्मलाई चाँडो अपडेट गर्ने योजनासमेत रहेको चौधरीले बताए ।