त्रिभुवन अन्तर्राष्ट्रिय विमानस्थलबाट दुबईका लागि उडिरहेको फ्लाई दुबईको जहाजमा आगलागी भएको छ ।
जहाजको लेफ्ट इन्जिनमा आगलागी भएको पाइलटले टावरलाई जानकारी गराएको नेपाल नागरिक उड्डयन प्राधिकरण (क्यान)का प्रवक्ता ज्ञानेन्द्र भुलले बताए ।
लेफ्ट इन्जिनमा आगलागी भएपछि पाइलटले सो इन्जिन अफ गरेर एउटा मात्र इन्जिनले जहाज उडाइरहेका छन् ।
काठमाडौंबाट उडेको जहाज २० हजार फिटमाथि धार्केको आकाशमा पुगेको थियो । जहाजलाई त्रिभुवन विमानस्थलमा अवतरण गराउनका लागि पहल भइरहेको छ ।
जहाज अवतरण गर्न दक्षिण मोडेर गुराँसे डाँडा भएर त्रिभुवन विमानस्थलमा ल्याउनुपर्छ ।
रातिमा भिएफआर उडान सम्भव नभएको हुँदा आइएफआर उडानका लागि गुराँसे डाडाँतर्फ जहाजलाई लैजानुपर्ने उनको भनाइ छ ।
