नेकपा एमालेका उपाध्यक्ष रामबहादुर थापा ‘बादल’ले पुराना दलहरू सच्चिनुपर्ने बताएका छन्।
चितवन २ अन्तर्गत भरतपुर महानगरपालिका– १० स्थित नारायणी नमुना मावि मतदान केन्द्रमा मतदानपश्चात् सञ्चारकर्मीलाई प्रतिक्रिया दिँदै बादलले पुराना दलको विकल्य अहिलेका नयाँ दल नभएको बताए।
‘पुराना दल (पार्टी) सच्चिनुपर्छ । अघिल्लो निर्वाचनमा त्यसैको सन्देश देखिएको हो,’ उनले भने, ‘ तर, अहिले उदाएका नयाँ शक्ति विकल्प होइनन्, भविष्य छैन । परीक्षण हुन बाँकी छ।’
यद्यपि, पुराना दलले आफ्ना गतिविधि र व्यवहारमा सुधार गर्नुपर्ने उनको भनाइ छ।
तस्बिर : विवेक पाेख्रेल/नयाँ पत्रिका