युइएफए च्याम्पियन्स लिगका बाँकी खेलका लागि ड्र सार्वजनिक भएको छ । क्वार्टरफाइनलमा रहेका आठ क्लबबाट शुक्रबार ड्र सार्वजनिक गरिएको हो ।
सार्वजनिक गरिएको ड्रअनुसार स्पेनिस क्लब रियल मड्रिडको भिडन्त इङलिस क्लब चेल्सीसँग हुने भएको छ । यस्तै, इङलिस क्लब म्यान्चेष्टर सिटीले सेमिफाइनल प्रवेशका लागि जर्मन क्लब बायर्न म्युनिखसँग प्रतिस्पर्धा गर्ने भएको छ ।
एसि मिलानले नापोली प्रतिस्पर्धी पाएको छ भने इन्टर मिलानले बेन्फिकाको समाना गर्नेछ ।
अब रियल र चेल्सीबीचको विजेताले अन्तिम चारमा सिटी र बार्यनबीचको विजेतासँग प्रतिस्पर्धा गर्नेछ । यस्तै, एसी मिलान र नापोलीबीचको विजेताले इन्टर वा बोन्फिकासँग खेल्नेछ ।
क्वार्टरफाइनलको पहिलो लेग ११ र १२ अप्रिल तथा दोस्रो लेग १८ र १९ अप्रिलमा हुनेछ । सेमिफाइनलको पहिलो लेग ९ र १० मे तथा दोस्रो लेग १६ १७ मेमा हुनेछ । च्याम्पियन्स लिगको फाइनल खेल भने १० जुनमा टर्कीको इस्तानबुलस्थित ऐटाटुर्क ओलम्पिक स्टेडियममा आयोजना गरिनेछ ।