- वि.सं २o७९ चैत ३ शुक्रबार
काठमाडौं महानगरपालिकाले चालू आर्थिक वर्ष ०७९/८० को आठ महिनामा ४३ दशमलव ८२ प्रतिशत राजस्व संकलन गरेको छ । महानगरले चालू आवमा १० अर्ब ४१ करोड ९५ लाख राजस्व उठाउने लक्ष्य राखेकामा चार अर्ब ५६ करोड ६२ लाख उठाएको छ ।
महानगरपालिकाको राजस्व विभागका अनुसार सबैभन्दा धेरै राजस्व संकलन मनोरञ्जन करमार्फत उठेको छ । मनोरञ्जन करमा ५० लाख राजस्व उठाउने लक्ष्य राखेको महानगरले ९० लाखभन्दा धेरै राजस्व उठाएको छ ।
यस्तै, महानगरले दुई अर्ब राजस्व उठाउने लक्ष्य राखेको घरबहाल करमा एक अर्ब १८ करोड संकलन गरेको जनाएको छ । महानगरले सम्पत्ति करमा चालू आवमा एक अर्ब राजस्व उठाउने लक्ष्य राखेकामा ६५ करोड उठाएको छ ।
यसैगरी, नक्सापास दस्तुरबाट ४१ करोड उठेको छ । उक्त शीर्षकमा महानगरले चालू आवभरिमा ७५ करोड राजस्व उठाउने लक्ष्य राखेको छ ।
