- वि.सं २o८१ बैशाख २२ शनिबार
धादिङको थाक्रे गाउँपालिका– २ बाट चितुवाको छालासहित दुईजनालाई प्रहरीले पक्राउ गरेको छ ।
मकवानपुरको कैलाश गाउँपालिकादेखि धादिङको महादेवबेँसीतर्फ आउने आग्रा–मोरिया सडकखण्डमा चितुवाको सिंगो छालासहित कैलाश गाउँपालिका– १ चापाखर्कका ३० वर्षीय दीपक मोक्तान र ४५ वर्षीय सुविन्द्र मोक्तानलाई प्रहरीले पक्राउ गरेको हो ।
चितुवाकाे छालाको कारोबार भइरहेको भन्ने विशेष सूचनाको आधारमा प्रहरी निरीक्षक डबलबहादुर बमको कमान्डमा खटिएको प्रहरी टोलीले सोमबार दिउँसो चितुवाको सिंगो छालासहित उनीहरूलाई पक्राउ गरेको जिल्ला प्रहरी कार्यालय धादिङका प्रहरी उपरीक्षक एसपी गौतम मिश्रले बताए । पक्राउ परेका उनीहरूलाई मंगलबार पत्रकार सम्मेलन गरी सार्वजनिक गरिएको हो ।
संरक्षित चितुवाको छालासहित पक्राउ परेका दुवैजनालाई आवश्यक कानुनी कारबाहीको लागि डिभिजन वन कार्यालय धादिङलाई बुझाइएको एसपी मिश्रले बताए ।
