- वि.सं २o८१ बैशाख २२ शनिबार
विवाहको मौसममा दुलही र पार्टीमा जाने महिलासमेतले मेहदी लगाउने गर्छन् । सुन्दरताका दृष्टिले मेहदी लगाउनु राम्रो हो । यसको प्रयोग प्राचीन समयदेखि नै हुँदै आएको छ । तर, मेहदीले कतिपयलाई नकारात्मक असर पनि गरिरहेको हुन्छ । यसतर्फ पनि ध्यान दिनुपर्छ ।
पछिल्लो समय बजारमा विभिन्न प्रकारका केमिकल मिसिएका मेहदी पाइन्छन् । यस्ता मेहदीले सुन्दर देखाए पनि स्वास्थ्यमा समस्या निम्त्याउन सक्छ । त्यसैले मेहदी चयन गर्दा ध्यान दिनुपर्छ । केमिकल मिसाइएका होइन, प्राकृतिक रूपमै तयार गरिएका मेहदी प्रयोग गर्नुपर्छ ।
मेहदीले छालामा एलर्जी हुने, पानीफोका हुने, छाला फुट्नेजस्ता समस्या देखा पर्न सक्छन् । मेहदी लगाएको हातले शरीरका अन्य भाग छोएमा पनि असर गर्न सक्छ । नाक र आँखा पनि एलर्जी हुन सक्छ ।
मेहदीको गन्धले कतिपयलाई सास फेर्न गाह्रो हुन्छ । त्यसैले लगाउनुअघि बजारमा कस्ता खालको मेहदी आएको छ, बुझेर मात्रै लगाउने गर्नुपर्छ ।
