नेपाल, नामिबिया र स्कटल्यान्डबीचको त्रिदेशीय क्रिकेट शृंखलाको तालिका सार्वजनिक भएको छ।
आइसिसी पुरुष क्रिकेट विश्वकप लिग दुईअन्तर्गत नेपालले नामिबिया र स्कटल्यान्डसँग त्रिदेशीय क्रिकेट शृंखला खेल्न लागेको हो।
आगामी २ फागुनबाट सुरु हुने शृंखलामा ६ वटा खेल हुनेछन्। पहिलो खेलमा नेपालले नामिबियाको सामना गर्ने भने दोस्रो खेल स्कटल्यान्ड्स र नामिबियाबीच २ फागुनमा हुनेछ।
नेपालले भने स्कटल्यान्डसँग ५ फागुनमा दोस्रो, ६ फागुनमा नामिबियासँग तेस्रो र ९ फागुनमा स्कटल्यान्डसँग शृंखलाको अन्तिम खेल खेल्नेछ।