- वि.सं २o७९ पौष १४ बिहीबार
कालोबजारीमा महँगो मूल्यमा मल पाउँदै गर्दा साधारण किसान भने नागरिकता र बोरा बोकेर यो चिसोमा मलको लाइनमा छन् । यो दृश्य भरतपुर– १३ पाखुरी चोक कृषि सहकारी संस्थाको हो । यहाँ २५ बोरा मल आएको छ । ७ बजेदेखि मलको प्रतीक्षामा रहेका किसानलाई १० केजीको दरले वितरण गरिँदै छ ।
तीन सय ७८ जना सेयर सदस्य रहेको यस सहकारीमा एक सय २५ जनाले मात्र आज मल पाउने सहकारीका व्यवस्थापक लक्ष्मण आचार्यले बताए ।
यो सहकारीमा १५ दिनअघि डिएपी मल आएको थियो भने एक महिनापछि मात्र युरिया मल आएको हो । विगतमा पनि सहकारीले पाँच र १० केजीका दरले मल वितरण गरेको थियो ।
