- वि.सं २o७९ पौष १३ बुधबार
प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी ओलीबीचको भेटवार्ता सकिएको छ ।
प्रचण्डनिवास खुमलटारमा भएको भेट सरकारका कामकारबाहीलाई कसरी प्रभावकारी बनाउने भन्ने विषयमा केन्द्रित रहेको एमाले अध्यक्ष ओलीले जानकारी दिए ।
भेटपछि सञ्चारकर्मीसँग छोटो प्रतिक्रिया दिँदै ओलीले भने, ‘भर्खरै सरकार गठन भएको छ । सरकारलाई कसरी अगाडि बढाउने भन्ने समसामयिक विषयमा कुरा भयो ।’
प्रचण्डको सचिवालय सदस्य रमेश मल्लले सरकारको नीति तथा कार्यक्रम र सरकारको कामलाई प्रभावकारी बनाउने विषयमा विहंगम छलफल भएको बताए । ‘जनतालाई सेवाप्रवाह र सुशासनको विषय कसरी कार्यान्वयनको तहमा लैजाने भन्ने विषयमा छलफल केन्द्रित रह्यो,’ उनले भने ।
उनले भोलि प्रधानमन्त्रीको सरकारीनिवास बालुवाटारमा सत्तासाझेदार दलहरूको बैठक बस्ने पनि जानकारी दिए ।
