- वि.सं २o७९ पौष १३ बुधबार
सप्तरीको बोदे बरसाइनमा गएराति आगलागी हुँदा एक वृद्धको जलेर मृत्यु भएको छ । आगाेमा परी एकजना घाइते भएका छन् ।
घुरबाट सल्केको आगो फैलिएर आगलागी हुँदा बोदे बरसाइन नगरपालिका– ४ सिल्हटमा ८० वर्षीय मुक्ति राउत (पाल)को मृत्यु भएको हो । भैँसीगोठमा सुतेका राउतको जलेर मृत्यु भएको इलाका प्रहरी कार्यालय कडरबोनाका प्रहरी निरीक्षक बालिस्टर सिंहले जानकारी दिए ।
सो आगलागीमा परेर राउतकै नाति २५ वर्षीय धर्मदेव पाल पनि समान्य घाइते भएका छन् । आगलागीबाट गोठमा रहेको एउटा राँगा र एउटा भैँसी पनि जलेर मरेको छ भने दुई भैँसी जलेर घाइते भएको प्रहरी निरीक्षक सिंहले बताए ।
