- वि.सं २o८१ बैशाख २२ शनिबार
हुम्लाको संघीय सांसद छिरिङ डम्डुल लामा कार्चेनले हुम्ली पहिरन (बख्खु)मा संसदमा शपथ लिएका छन । बिहीबार संसद् भवन छिरेका उनले हुम्लाको लामा जातिको संस्कृति झल्किने बख्खुमा पद तथा गोपनीयताको शपथग्रहण गरेका हुन्।
लोकतान्त्रिक गणतन्त्रको गरिमा र महिमा नै वेशभूषा, चालचलन, रीतिरिवाज, भाषा, संस्कृति, विभिन्न क्षेत्र, वर्ग, लिंग भएको कारण आफूले आफ्नो संस्कृति झल्काउने पहिरनमा शपथ लिँदा आफूलाई खुसी महसुस भएको सांसद लामाले बताए ।
हुम्लाको लामा समुदाय र अन्य भूभागमा ऊनीको कपडाबाट बनेको बख्खु पौराणिक लुगा हो । यसपटक सांसद लामा राष्ट्रिय स्तरमा नै चर्चा हुने गरी संसद् भवन प्रवेश गरेका हुन् । यसखालको पहिचानयुक्त पहिरनले एकपटक हुम्लालाई राजधानी पुर्याएको आभाष भएको हुम्ली जनताले महसुस गरेका छन् ।
