- वि.सं २o८१ बैशाख १९ बुधबार
सुर्खेतमा सात सयभन्दा बढी पत्रकार भेला हुने भएका छन् ।
नेपाल पत्रकार महासंघकाे केन्द्रीय साधारणसभाको तयारी अन्तिम चरणमा पुगेको छ । ८ र ९ पुसमा सुर्खेतको वीरेन्द्रनगरमा आयोजना हुने साधारणसभामा सात सयभन्दा बढी पत्रकार सहभागी हुँदै छन् ।
यसलाई महासंघको नीतिगत तथा वैधानिक अधिवेशनका रूपमा हेरिएको छ । साधारणसभाले महासंघको आगामी भावी कार्ययोजना निर्माण गर्ने महासंघका केन्द्रीय महासचिव रोशन पुरीले जानकारी दिए ।
‘सांगठनिक नीतिगत प्रतिवेदन, कोषाध्यक्षले पेस गर्ने आर्थिक प्रतिवेदन र लेखा समिति संयोजकको प्रतिवेदनमाथि बृहत् छलफल हुनेछ,’ उनले भने, ‘साधारणसभामा ७७ जिल्ला शाखा, ३९ प्रतिष्ठान शाखा, १२ एसाेसिएट शाखा, १० वैदेशिक शाखा र दुई आवासीय शाखा (नेजा र एन्जा) का पदाधिकारी सदस्य गरी सात सय ५० राष्ट्रिय परिषद् सदस्य सहभागी हुनेछन् ।’
साधारणसभाको उद्घाटन राष्ट्रपति विद्यादेवी भण्डारी गर्ने महासंघले जनाएको छ ।
