- वि.सं २o७९ मङ्सिर २८ बुधबार
आइएमई ग्रुपद्वारा सञ्चालित आइएमई डिजिटल सोलुसन लिमिटेड (आइएमई पे)को प्रमुख कार्यकारी अधिकृतमा प्रवीण रेग्मी नियुक्त भएका छन् । कम्पनीले इलेक्ट्रोनिक्स एन्ड कम्युनिकेसनमा स्नातक एवं बिजनेस एड्मिनिस्ट्रेसनमा स्नाकोत्तर गरेका तथा विभिन्न बैंक तथा वित्तीय संस्थामा डेढ दशकभन्दा बढीको कार्य–अनुभव भएका रेग्मीलाई प्रमुख कार्यकारी अधिकृतमा नियुक्त गरेको हो ।
उनले पेमेन्ट सिस्टम, बैंकिङ, टेक्नोलोजी र टेलिकमका क्षेत्रमा विशेष दख्खल राख्नुका साथै विभिन्न अन्तर्राष्ट्रिय विश्वविद्यालयबाट डिजिटल भुक्तानीसँग सम्बन्धित सैद्वान्तिक एवं प्रयोगात्मक दुवै तालिम प्राप्त गरिसकेको जनाइएको छ ।
काठमाडौंमा रहेको आइएमई कम्प्लेक्सको टाउनहल मिटिङमा नवनियुक्त प्रमुख कार्यकारी अधिकृत रेग्मीलाई आइएमई डिजिटल सोलुसन लिमिटेड (आइएमई पे)का अध्यक्ष एवं ग्रुपका प्रबन्ध निर्देशक हेमराज ढकालले स्वागत गरेका थिए । कार्यक्रममा अध्यक्ष ढकालले रेग्मीको नेतृत्वसँगै कम्पनीले नयाँ उचाइ प्राप्त गर्ने विश्वास व्यक्त गरेका थिए । कार्यक्रममा ग्रुपका सिनियर भाइस प्रेसिडेन्ट सुमन पोखरेलसहित उच्चपदस्थ कर्मचारीहरूको सहभागिता रहेको जनाइएको छ ।
