- वि.सं २o८१ बैशाख २३ आइतबार
प्रतिनिधिसभा सदस्यका लागि रुपन्देही क्षेत्र नम्बर २ मा भइरहेको मतगणना रोकिएको छ । मतगणनास्थलमा कम्युटरमा राखिएको तथ्यांक र गणनास्थलको मतपत्रको संख्या फरक परेपछि मतगणना रोकिएको छ ।
गणनाका क्रममा ३४ मत फरक परेपछि एमालेबाहेक अन्य दलहरूले गणना बहिस्कार गरेका छन् । बिहान साढे पाँच बजेदेखि अबरुद्ध मत गणना अझै सुरु हुन सकेको छैन ।
मतगणनाको पछिल्लो विवरणअनुसार अब मतगणना गर्न करिब ६ हजार मत बाँकी छ । निर्वाचन कार्यालयको तथ्यांकअनुसार विष्णु पौडेलले २३ हजार ७९३ मत पाएका छन् ।
राष्ट्रिय स्वतन्त्र पार्टीका गणेश पौडेलले २२ हजार ८८७ मत प्राप्त गरेका छन् । गठबन्धनको समर्थनका उम्मेदवार केशवबहादुर थापा मगरले १९ हजार २६० मत प्राप्त गरेका छन् ।
