माओवादीले सिन्धुलीबाट जितको खाता खोल्यो 

नेकपा माओवादी केन्द्रले सिन्धुलीबाट जितको पहिलो खाता खोलेको छ । सिन्धुली निर्वाचन क्षेत्र नम्बर २ का माओवादी उम्मेदवार लेखनाथ दहाल ‘राजन’ले पाँच हजार ८ सय ३० मतान्तरले जीत हाँसिल गरेका हुन् । उनले २७ हजार पाँच सय १७ मत प्राप्त गरेका छन् ।

एमाले उम्मेदवार मनोजजंग थापाले २१ हजार ६ सय ८७ मत प्राप्त गरेका छन । सिन्धुली क्षेत्र नम्बर २ मा ५५ हजार नौ सय १६ मत खसेको थियो । क्षेत्र नम्बर २ मा राष्ट्रिय प्रजातन्त्र पार्टीका भिष्मराज श्रेष्ठले तेस्रो मत ल्याएका छन ।

श्रेष्ठले एक हजार तीन सय ४० मत प्राप्त गरेका छन । उक्त निर्वाचन क्षेत्रमा दुई हजार चार सय २५ मत बदर भएको मुख्य निर्वाचन अधिकृतको कार्यालय सिन्धुलीले जनाएको छ । दाहाल गठबन्धनका तर्फबाट उमेदवार भएका थिए भने मनोजजंग थापा एमालेका तर्फबाट उमेदवार थिए । दाहाल विजयी भएसँगै मुख्य प्रतिस्पर्धि थापाले मतगणना स्थलमा पुगेर बधाई दिएका छन ।