बैंकिङ कसुर मुद्दामा दुई दिन कैद सजाय पाएका अभियुक्तलाई प्रहरीले पक्राउ गरेर अदालत पठाएको छ। २७ पुस ०७७ मा बैंकिङ कसुर मुद्दामा सुनसरी अदालतबाट दुई दिन कैद र नौ लाख ५० हजार जरिवाना सजाय फैसला भएका फरार प्रतिवादी मोरङ रतुवामाई नगरपालिका– ६ का ३२ वर्षीय लक्ष्मण कार्कीलाई प्रदेश १ प्रहरीको विशेष टोलीले पक्राउ गरेर अदालतमा बुझाएको हो ।
फरार अभियक्त कार्कीलाई प्रहरीले बिहीबार धरान उपमहानगर– १२ छाताचोकबाट पक्राउ गरेको हो । कार्कीलाई बेरुजु असुल गराउन र कैद सजाय भुक्तानका लागि सुनसरीको झुम्का कारागार पठाएको प्रहरीले जनाएको छ ।
See More On
