साताको अन्तिम कारोबार दिन शुुक्रबार नेप्से परिसूूचक ३४ दशमलव ७० अंकले घटेर एक हजार नौ सय ९२ दशमलव ६२ बिन्दुुमा आइपुुगेको छ । त्यस्तै, ‘क’ वर्गका कम्पनीहरूको कारोबारमापक सेन्सेटिभ इन्डेक्स पाँच दशमलव ६० अंकले घटेर तीन सय ७९ दशमलव ८९ अंकमा आइपुगेको छ ।
नेप्से सूूचक दुई हजारको मनोवैज्ञानिक तहबाट तल खसेको हो । शुक्रबार दुुई घन्टा भएको काराबोरमा एक सय ७६ वटा कम्पनीको सेयर मूल्य घटेको छ भने १४ वटा कम्पनीको सेयर मूूल्य बढेको छ । कारोबारमा आएका १३ वटै समूूहका सूूचक घटेका छन् । होटेल तथा पर्यटन समूूह, फाइनान्स समूह र टेड्रिङ समूूहको सूूचक ३ प्रतिशतभन्दा बढीले घटेको छ ।
त्यस्तै, चार समूूहको सूूचक २ प्रतिशतभन्दा बढीले घटेको छ भने बाँकी समूूहको सूूचकमा १ प्रतिशतको गिरावट आएको छ । धितोपत्र र ऋणपत्र गरी कारोबारमा आएका दुई सय १७ कम्पनीको ३० लाख ६३ हजार कित्ता सेयर खरिद–बिक्री हुँदा एक अर्ब १६ करोड रुपैयाँको कारोबार भएको छ । जसमा शिवम् सिमेन्ट, युुनाइटेड इदी मर्दी आरबी हाइड्रोपावर, लाइफ इन्स्योरेन्स कर्पोरेसन नेपाल, अरुण काबेली पावर र नेपाल दूूरसञ्चार कम्पनीको तीन करोड रुपैयाँदेखि पाँच करोड ५९ लाख रुपैयाँको सेयर कारोबार भएको छ ।
घटेको बजारसँगै हिमालयन ऊर्जा विकास कम्पनी, बलेफी हाइड्रोपावर, हिमालयन दोलखा हाइड्रोपावर, बेस्ट फाइनान्स कम्पनी, कर्णाली डेभलपमेन्ट बैंक, लुम्बिनी विकास बैंक, सिभिल लघुवित्त वित्तीय संस्था, शिवम् सिमेन्ट, अरुण भ्याली हाइड्रोपावर कम्पनीको ४ प्रतिशतदेखि पाँच दशमलव ४४ प्र्रतिशतसम्मले घटेको छ । ग्लोबल आइएमई समुुन्नत स्किम, नबिल इक्विटी फन्ड, कुुमारी बैंकको ऋणपत्र, लक्ष्मी इक्विटी फन्ड, गुराँस लघुवित्त वित्तीय संस्थाको सेयर मूल्य भने करिब २ प्रतिशतदेखि दुुई दशमलव ८२ प्रतिशतले बढेको छ ।
आइओएसमा पनि मेरो सेयर एप प्रयोग गर्न सकिने
केन्द्रीय निक्षेप प्रणाली (सिडिएस्सी)ले सञ्चालनमा ल्याएको मेरो सेयर एप अब आइओएसमा पनि उपलब्ध हुने भएको छ । सिडिएस्सीले नयाँ आर्थिक वर्षबाट एप्पलका प्रयोगकर्ताले पनि डाउनलोड गर्न मिल्ने गरी आइओएसमार्फत उक्त एप उपलब्ध गराउने बताएको हो । यसअघि सिडिएस्सीले एन्ड्रोइड मोबाइल प्रयोगकर्ताका लागि उक्त एप सञ्चालनमा ल्याएको थियो ।
