संसद् अधिवेशन अन्त्य गर्न सिफारिस

सरकारले संसद् अधिवेशन अन्त्य गर्न सिफारिस गरेको छ। एक मन्त्रीका अनुसार आज बसेको मन्त्रिपरिषद्को बैठकले शुक्रबार मध्यरातदेखि अधिवेशन अन्त्य गर्न राष्ट्रपतिसमक्ष सिफारिस गरेको हो। चालू संसद् अधिवेशनमा प्रमुख प्रतिपक्षी दल नेकपा (एमाले) ले सभामुख एमाले फुटाउन सहभागी भएको भन्दै लगातार नाराबाजी गर्दै अवरुद्ध पार्दै आएको छ। तर, सरकारले एमालेको अवरोधकै बीच कतिपय विधेयक संसदमा टेबल गरेको थियो।