नेपाली बजारमा आज सुनको मूल्य प्रतितोला दुई सय रुपैयाँलेले घटेको छ। छापावाल सुन बुधबार प्रतितोला रु. ८८ हजार नाै सयमा कारोबार भएको थियो। नेपाल सुनचाँदी व्यवसायी महासंघले सार्वजनिक गरेको तथ्यांकअनुसार छापावाल सुनको मूल्य प्रतितोला रु. ८८ हजार सात सय तोकिएको छ। तेजाबी सुनको मूल्य प्रतितोला रु. ८८ हजार दुई सय ५० कायम गरिएको छ जुन बुधबार प्रतितोला रु. ८८ हजार चार सय ५० मा कारोबार भएको थियो। महासंघका अनुसार चाँदीको मूल्य बुधबारको तुलनामा आज प्रतितोला ३५ रुपैयाँले घटेको छ। बुधबार प्रतितोला एक हजार एक सय ५५ रसपैयाँमा कारोबार भएको चाँदीको मूल्य आज प्रतितोला एक हजार एक सय २० रुपैयाँ तोकिएको छ।
अन्तर्राष्ट्रिय बजारमा हुने सुनचाँदी कारोबार मूल्यका आधारमा नेपालमा महासंघले सुन तथा चाँदीको मूल्य तोक्ने गर्दछ। अन्तर्राष्ट्रिय बजारमा यतिखेर सुन प्रतिऔँस एक हजार सात सय ३२ दशमलव ७२ अमेरिकी डलरमा कारोबार भइरहेको छ। रासस
