लमजुङको राईनास नगरपालिकामा करेन्ट लागेर एक महिलाको मृत्यु भएको छ । राईनास नगरपालिका- ८ पांगेफाँटनिवासी ५० वर्षीया कृष्णकुमारी भुजेलको आफ्नै घरमा काम गर्ने क्रममा करेन्ट लागेर मृत्यु भएको जिल्ला प्रहरी कार्यालय लमजुङका सूचना अधिकारी एवं इन्स्पेक्टर जगदीश रेग्मीले जानकारी दिए ।
महिलाको शव जिल्ला अस्पताल लमजुङमा पोस्टमार्टम गरी दाहसंस्कारका लागि आफन्तलाई जिम्मा लगाइएको जिल्ला प्रहरी कार्यालय लमजुङका प्रहरी प्रमुख डिएसपी कृष्णबहादुर कार्कीले बताए । उनले भने, ‘घरमा काम गर्ने क्रममा करेन्ट लागेर महिलाको घटनास्थलमै मृत्यु भएको हो ।’
See More On
