प्रिमियर स्टिलले ३६ एमएम समूहको छडमा नेपाल गुणस्तर प्रमाण प्राप्त गरेको छ । यस समूहमा नेपाल गुणस्तर प्रमाण प्राप्त गर्ने यो पहिलो कम्पनी हो । ३६ एमएमको छड हाइड्रोपावर, पुल तथा ड्यामजस्ता ठूला परियोजना निर्माणमा प्रयोग गरिन्छ ।
यसअघि ३० एमएमभन्दा माथिका छड भारत वा अन्य मुलुकबाट आयात गर्दा ढिलो हुने गरेकोमा अब त्यो समस्या नहुने कम्पनीले जनाएको छ । प्रदेश नम्बर १ मा कारखाना भएको यस कम्पनीले दैनिक ८ सय मेट्रिकटन उत्पादन क्षमता राख्ने जनाइएको छ । कम्पनीले ८ एमएमदेखि ४० एमएमसम्मका छडहरूको उत्पादन गर्दै आएको उल्लेख गरेको छ ।
कम्पनीका सेल्स एन्ड मार्केटिङ डाइरेक्टर सौरभ सारडाले प्रिमियम बिलेटहरूको मात्र प्रयोग गरेर टिएमटी बार उत्पादन गर्दै आएको बताए । यसले गर्दा आप्mनो उत्पादन उच्चस्तरीयताको सुनिश्चितता प्रदान गर्न सक्षम भएको उनको दाबी छ । ३६ एमएम नेपाल गुणस्तर प्रमाण प्राप्त डन्डी पनि यसको एक ज्वलन्त प्रमाण भएको सारडाले बताए । उनले भने, ‘पूर्ण रूपमा कम्प्युटर कन्ट्रोल्ड मेसिनहरूको प्रयोग गरी उत्पादन गरिने भएको हुँदा हाम्रा उत्पादनहरू सधैँ उस्तै घनत्व एवं उच्चस्तरीय सर्फेसको साथ बारको डायमिटर सधैँ एकनासको प्राप्त गर्न सकिन्छ ।’
