नेपाल क्रसर तथा खानी उद्योग व्यवसायी महासंघले स्थानीय सरकार प्रमुखमार्फत नेपाल सरकारलाई अक्सिजन ग्यासको सिलिन्डर उपलब्ध गराउन उद्योगी व्यवसायीलाई अपिल गरेको छ । महासंघका महासचिव पुरुषोत्तम रेग्मीले अपिल जारी गरी विपद्को समयमा देश र जनताप्रति दायित्व पूरा गर्न आग्रह गरेका छन् ।
उनले भनेका छन् ‘आ–आफनो उद्योगमा अक्सिजन ग्यासको खाली र भरी सिलिन्डर जिल्ला तथा प्रदेशमा रेकर्ड राखी स्थानीय सरकार प्रमुखहरूमार्फत नेपाल सरकारलाई उपलब्ध गराई राष्ट्रिय विपद्को समयमा देश र जनताप्रति दायित्व पूरा गर्न आ–आफ्नो तर्फबाट सम्पूर्ण क्रसर तथा खानी उद्योग व्यवसायीहरूमा हार्दिक अपिल गर्दछ ।’
