प्रचण्ड–नेपाल नेकपाको महासचिव नेता सुरेन्द्र पाण्डेलाई बनाउने समझदारी भएको छ ।
अध्यक्षद्वय माधवकुमार नेपाल, पुष्पकमल दाहाल, नेताहरू झलनाथ खनाल र नारायणकाजी श्रेष्ठबीचको छलफलले नेता पाण्डेलाई महासचिव बनाउने समझदारी गरेको हो ।
माधवकुमार नेपाल अध्यक्ष, पुष्पकमल दाहाल संसदीय दलको नेता भएपछि अर्का वरिष्ठ नेता झलनाथ खनालकाे प्रस्तावमा पाण्डेलाई महासचिव दिने समझदारी भएकाे हाे ।
शीर्ष नेतृत्वबीच नेता पाण्डेलाई महासचिव बनाउने निर्णय गरिएको स्रोतले जनाएको छ ।
पाण्डे पूर्वएमालेकाे नवौँ महाधिवेशनमा माधव नेपाल समूहबाट महासचिवमा उम्मेदवार बनेका थिए । त्यसवेला उनी * ईश्वर पोखरेलसँग ६ मतले पराजित भएका थिए ।
केहीबेरपछि काठमाडौंको बबरमहलस्थित कार्की बैंक्वेटमा बस्ने केन्द्रीय कमिटी बैठकले पाण्डेलाई महासचिवमा अनुमोदन गर्नेछ ।
* (ईश्वर पोखरेल हुनुपर्नेमा अन्यथा भएकाले सच्चाइएको)
